முலை திருகி எரிந்து கொன்றழிக்கவும் ...

போலித்தனமில்லா
உன்னுடனான
தொடர்புகளை
நான் நாளும்
உணர்வதால்
இந்த  குமுகம்
குற்றமுடையதுதான்
என்பதை
புரிந்து  கொள்ள
முடிகிறது  என்னவனே ...

பொய்யும்  வழுவும்
அரசபீடம்  ஏறுகிறது
என்பதும் ...

நேர்மையும்
 அர்பணிப்பு களும்
அலட்சியம்
செய்யபடுகிறது
என்பதான
உங்கள்  ஆதங்கம்
நியாயத்தை
உணர்த்துகிறது அன்பே ...

அதற்காக நான்
பொதுநல 
வாதியாகிட
முடியாது .

நான் தன்னலம்
எண்ணம்  கொண்டவள் தான் .

நேர்மை பேசி
நீ ...
அழிவதை
ஏற்றுக்கொள்ள முடியாது .

அதையே ...
வேடிக்கை  பார்க்கும்
கையாலாகாத
இந்த சமூகத்தை
முலைதிருகி எரிந்து
கொன்று  அழிக்கவும்
என்னுள்ளம்
ஒப்பாது  ...

மன்னவனே
இந்த மாக்கள்
கூட்டத்தை விடுத்து
திக்கு தெரியாத
காட்டிற்குள்
சென்றாகிலும்
நம்...
வாலிபத்தின்
வசந்தத்தை
தேடுவோம்   வா .


 

இன்முகம் காட்டி எப்படி பேசுகிறாய் அன்பனே ?

 
உன் ...
நினைவுகள்
என்னைத்தாக்கும்
போதெல்லாம்
கோடைமழைஎன
கொட்டித்தீர்க்கிறது
கண்கள் .

ஆண்மை மீறாத ஆண்மை
அமைதி
வியக்கவைக்கும்
 பொறுமை  எதற்கும்
கலங்காத  நெஞ்சம் .

இந்த ...
சமூகத்தைப்பற்றிய
சரியான புரிதல் .

வறுமை உன்னை
ஆட்டங்கான
வைக்க நேர்ந்தபோது
ஆண்மைதவறாமல்
காத்தமை .

உன் ...
இலையுதிர்காலத்து
நாட் குறிப்பேட்டை (டைரி )
காணநேர்ந்தபோது
வாய்விட்டே
கதறி அழுதே அல்லாவா
 போனேன் .

எப்படி ...
எப்படி ....
உன்னிதயத்தை
இரும்பாக்கிக்கொண்டு
அத்தனையும்
 பதிவு செய்தாய் .

இன்முகம்
காட்டி  எப்படி

எல்லோரிடமும் 

பேசுகிறாய் அன்பனே? 

     இன்றைய சூழலில்  காதல் வெறுமனே  உடலை  கண்டு  காதல் என  கற்பிதம் செய்துகொள்ளுகிறது. காதல் உடல்  அல்ல உள்ளம் சார்ந்தது என்பதையும்  காதல் பற்றிய முழுமையான புரிதலை உண்டக்கவுமே  இந்த   ஆக்கங்கள்  எழுத்து   பிழை  இருப்பின் சுட்டிகாட்டும்  அன்பர்களுக்கு   எமது  உளம் கனிந்த  பாராட்டுகள்  சொற்பிழை  இருப்பின் சுட்டிகாட்டுக என்றும்  நன்றியுடன்    மாலதி .

கனவுலகில் வாழ்பவள் இல்லை

ஆயிரம் மலர்கள்
பூத்துக் குலுங்கும்
கல்லூரி தோட்டத்தில்
பூத்த புதுமை
மலரென்றாய்.

காதலில் தோற்று
கல்லறைக்கு
அனுப்புவோருக்கு
நடுவே ...
கலங்கரை
விளக்காய்  நின்றாய்
என்றாய் .

சட்டைப்பையின்
கனத்தை
கணக்கெடுக்காமல்
உண்மைக்காதலை
வென்று எடுத்தேன்
என்றாய்.

உண்மையை ...
எளிமையை கண்டு
இகழ் கிறவர்களுக்கு
நடுவே வலிமை
நிறைந்த 
வாழ்க்கைப்பாதையை
தேர்வு  செய்தேன் என்றாய்.

மனிதத்தை
மதிக்கத்தெரிந்ததால்
என்னை முழுமையாக
தத்தெடுத்துக்  கொண்டேன்  என்றாய்.

உயிரே ...
நான் கணவுலகில்
வாழ்கின்றவள்  இல்லை .

உன் ...
கண்ணெதிரே
வாழ எண்ணுகின்
அதனால்தான் அன்பே .

       மாறுபட்ட  கோணத்தில்  இந்த  இடுகை   பதிவு  செய்ய எண்ணினேன்  மீண்டும்  இந்த இடுகையும்  காதலை  மையப்படுத்தியே  அமைந்து விட்டது .



 

நீ என்னுள்ளத்தை ஆக்கிரமித்து கொண்டதால் ...

உன்....
தேடலின்
தகுதிகாண் பருவத்தில்
நான்வெற்றி
பெற்றதாய் சொன்னாய் .

என்னை...
வேண்டுமென்றே
சீண்டிப்பார்த்து
என்சகிப்புத்தன்மையை
அளவிட்டதாக கூறினாய்.

இன்பத்திலும்
துன்பத்திலும்
எனது உளவியலை
படம்பிடித்ததாக
பகிர்ந்துகொண்டாய்.

மற்றவர்களுடனான
தொடர்பில்
நான் தேர்ச்சிபெற்றதாக
அறிவித்தாய்.

முதியோர்களுக்கு
அக மகிழ்வுடன்
நான் உதவியதை
பரவசத்துடன்
பட்டியலிட்டாய்  .

என்னவனே ...
இவை எல்லாம்
நீ ...
என்னுள்ளத்தை
ஆக்ரமித்துக்
கொண்டதால்
அல்லவா நிகழ்ந்தது ?

வேள்விச் சாலையாக்கிக் கொள்ளட்டும்

உன்னைப்பற்றிய  எந்த குறிப்புமில்லை என்னிடம் . ஆனாலும் ... என்னிதயத்தை -நீ நிறைத்துக் கொண்டாய். நான் ... வரைந்து வைத்துள்ள வரைபடத்தை -நீ ஒத்திருப்பதாக காட்டுகிறது  உன் எழுத்து. நீ... ஆக்கிரமித்துக்கொள்ள எண்ணுவது என்னுடலையா என்னுள்ளத்தையா என்பதை வைத்தே என் தலைஎழுத்து நிர்ணயிக்கப் படும் என்பதை நானறிவேன். நீ ... என் கற்ப்பை காவு கேட்கும் கள்வனல்ல. நிறம் மாறும் பச்சோந்தியல்ல என்பதை பறைசாற்றுகிறது உன் பால்முகம்  . நீ ... பாலபாடம் பயின்ற பல்கலைகழகம் எது என்பதை  அடையலாம் காட்டு. இந்த ...  பாழாய்ப்போன  முடைநாற்றம் வீசும் போலிச்மூகம் அதை வேதம் பயிலும் வேள்விச்  சாலையாக்கிக் கொள்ளட்டும்.		Expand all Collapse all Forward all

மாலையுடன் வா

உனக்கான
வருகைக்காக ...
காத்துக்கிடக்கிறது
உள்ளம்.

என்ன சொல்லி ...
அழைப்பது ?
புரியவில்லை.

நாளும் நாளும்...
ஒரு யுகமாய்
கழிகிறது.

நாம் ...
பதின் (teen age )பருவத்தை
கடந்துவிட்டோம்.

காலங்களும்
நமக்காக துணைநிற்கிறது.

நமக்கேற்ற
வருவாய் முறைப்படி
ஈடடுகிறாய்.

என் கடந்த ...
காலத்திலும்
நிகழ் காலத்திலும்
என் இதய வாசலை கூட
எவனும்  தொட்டதில்லை .

இனியும் தொடப்போவதில்லை.

நம் இரண்டு
பக்கங்களையும்
அறிந்து கொண்டோம்..

விட்டுகொடுத்து
வாழ தீர்மானித்துவிட்டோம் .

இனியும்
ஏன்தயக்கம் ?

என்னவனே
மாலையுடன்வா .

வாழ்க்கை வாழ்வதற்க்கே.

நமக்கான
வாழ்க்கையை

சிறுக சிறுக
செதுக்கி வைத்திருக்கிறேன் .

களிமண்
பொம்மையல்ல
மனிதம்.

கூடலும்
ஊடலும் தான்
வாழ்க்கை .

எளிமையும்
உள தூய்மையும்
நம்வாழ்க்கைக்கொள்கை .

இப்பிறப்பில்
இன்னொருவளை
என்சிந்தையிலும்
தொடேன் என
கதையில் வந்தததை
மேற்கோள்காட்டி
சொன்னாய் .

அந்த
ஒற்றை வர்த்தைக்குதான்
என்னை உன்னிடம்
முழுமையாக
ஒப்படைக்க
தூண்டியது..

தவறு செய்ய ...
வாய்ப்பு  இருந்தும்
தொடமறுத்தவன் -நீ
அப்போது உன்
ஆண்மையையும்
உணர்த்தினாய்
உன் நேர்மையையும்
காட்டினாய்.

மன்னவனே
மணவிழாவிற்கு
பிறகுதான்
எல்லாமே....
என்றாய்

எத்தனை
துணிவு ...
எத்தனை தெளிவு